Fimmtudagur 11. ágúst, 2022
8.8 C
Reykjavik

Margrét Lára stofnar nýtt fyrirtæki: „Krefjandi en skemmtilegir tímar framundan, ekki spurning“

Helgarviðtalið

- Auglýsing -

Orðrómur

- Auglýsing -

Afmælisbarn dagsins er ein allra besta knattspyrnukona sem Ísland hefur alið, Margrét Lára Viðarsdóttir. Eru nú liðin 36 ár frá fæðingu hennar.

Margrét Lára er fædd og uppalin í Vestmannaeyjum en hún hóf knattspyrnuferilinn einungis 15 ára gömul með ÍBV í úrvalsdeild kvenna. Nokkru síðar fór hún yfir í Val þar sem hún vann fjóra Íslandsmeistaratitla. Var hún algjör markamaskína en á ferlinum skoraði hún yfir 200 mörk í úrvarsdeild kvenna á Íslandi en fimm sinnum varð hún markahæst í deildinni. Þá skoraði hún 79 mörk í 124 leikjum með landsliðinu.

Í dag starfar Margrét Lára sem klínískur sálfræðingur og sem knattspyrnusérfræðingur hjá Rúv. Hún er gift Einari Erni Guðmundssyni en saman eiga þau þrjá syni.

Mannlíf heyrði í afmælisbarninu og spurði hvort og þá hvernig eigi að halda upp á afmælið.

„Afmælisdagurinn verður eitthvað lágstemmdur að þessu sinni. Rólegheit heima með strákunum mínum fjórum, borða góðan mat og hafa það huggulegt, verður líklegast uppskriftin að þessu sinni,“ sagði afmælisbarnið í samtali við Mannlíf.

En hvað er svo framundan, bæði í persónulega lífinu og í starfi?

„Fullt á döfinni á næstunni hjá okkur fjölskyldunni. Þjóðhátíð á næsta leiti sem er alltaf eitt af hápunktum ársins hjá okkur fjölskyldunni, síðan verður farið eitthvað í frí í ágúst mögulega elta veðrið og kíkt til Svíþjóðar til að taka þátt í einu stykki Ironman. Síðan erum við að stofna nýtt fyrirtæki sem heitir Heil heilsumiðstöð og mun það opna formlega í september byrjun. Svo má ekki gleyma því að enski boltinn er að fara á fullt eftir Verslunarmannahelgi. Alltaf ákveðin spenna sem fylgir því. Þannig að það eru mjög spennandi, krefjandi en skemmtilegir tímar framundan, ekki spurning.“

- Auglýsing -

Mannlíf óskar knattspyrnugoðinu til hamingju með afmælið!

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.
Fullum trúnaði er heitið.

Deila

Nýtt í dag

Mest lesið í vikunni

Í fréttum er þetta helst...

- Auglýsing -