Fimmtudagur 28. mars, 2024
-4.2 C
Reykjavik

María fékk 100 milljóna fjölmiðlastyrk frá mági sínum á þingi: „Ég brenn fyr­ir þessu starfi!“

VefTv

- Auglýsing -

Hlaðvörp

- Auglýsing -

María Björk Ingvadóttir, framkvæmdastjóri N4 á Akureyri, náði að sækja sér 100 milljóna styrk úr ríkisstjóri vegna reksturs sjónvarpsstöðvarinnar. Athygli vekur að mágur hennar, framsóknarmaðurinn Stefán Vagn Stefánsson, situr ekki aðeins á þingi heldur situr hann í meirihluta fjárlaganefndar sem veitti mágkonunni styrkinn myndarlega.

Kjarninn greinir frá því að N4 hafi náð fram þessum 100 milljóna ríkisstyrk með því að biðja einfaldlega um hann. Og sú beiðni fór fyrir fjárlaganefndina, þar sem Stefán mágur var meðal þeirra sem afgreiddi umsóknina.

Meiri­hluti fjár­laga­nefnd­ar sam­anstendur af þing­mönnum Vinstri grænna, Sjálf­stæð­is­flokks og Fram­sókn­ar­flokks. Stefán Vagn er þar annar af tveimur fulltrúum Framsóknarmanna. Meirihlutiinn ákvað að veita 100 milljón króna fram­lag úr rík­is­sjóði til N4 „vegna rekst­­urs fjöl­miðla á lands­­byggð­inni sem fram­­leiða eigið efni fyrir sjón­­varps­­stöð“.

Meiri­hlut­ann skipa Bjarkey Olsen Gunn­ars­dótt­ir, for­maður fjár­laga­nefndar og þing­maður Vinstri grænna, Har­aldur Bene­dikts­son, Bryn­dís Har­alds­dóttir og Vil­hjálmur Árna­son úr Sjálf­stæð­is­flokki og Þór­ar­inn Ingi Pét­urs­son og Stefán Vagn Stef­áns­son úr Fram­sókn­ar­flokki.

María Björk sendi styrkbeiðnina til fjárlaganefndarinnar 1. desember síðastliðinn en hana má ekki finna á vef þingsins. Milljónirnar hundrað eru ætlaðar fyrir sjónvarpsstöðina á næsta rekstarári. N4 er meðal ann­­ars í eigu KEA, Kaup­­fé­lags Skag­­firð­inga og Síld­­ar­vinnsl­unn­­ar. Stærsti eig­andi Síld­­ar­vinnsl­unnar er Sam­herji, eitt stærsta fyr­ir­tæki lands­ins sem er með höf­uð­­stöðvar á Akur­eyr­i.

N4 hefur einmitt fram­­leitt kostað efni fyrir Sam­herja og ýmsa aðra aðila. Í fyrra var svo helsti dag­­skrár­­gerð­­ar­­maður N4, Karl Eskill Páls­­son, ráð­inn í starf upp­­lýs­inga­­full­­trúa Sam­herja.

- Auglýsing -

Síðla árs 2020 ræddi María Björk ástríðu sína fyrir rekstri N4 og sagðist jafnframt vera ástfangin upp rjáfur af eiginmanni sínum, Ómari Braga Stef­áns­syni, bróður Stefáns Vagn Framsóknarþingmanns.

„Ég brenn fyr­ir þessu starfi, það er svo áhuga­vert! Við gæt­um verið hvar sem er á land­inu og tök­um efni alls staðar að. Mesti vöxt­ur í fjöl­miðlun í heim­in­um er ein­mitt frá svona svæðismiðlum. Við þráum að heyra sög­ur og við vilj­um heyra góðar sög­ur. Það er kannski leiðarljósið mitt; segj­um góðar sög­ur, töl­um við venju­legt fólk og sýn­um breidd­ina í líf­inu hvar sem er á Íslandi. Ég er ekki enn far­in á Reykja­vík­ur­markað, en kannski för­um við þangað,“ sagði María.

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.

Fullum trúnaði er heitið.

Deila

Nýtt í dag

Mest lesið í vikunni

Raddir

Í fréttum er þetta helst...

- Auglýsing -