Sunnudagur 2. október, 2022
9.8 C
Reykjavik

Minnist Önnu Guðnýjar með hlýhug: „Dásamlegur félagi og heimskona – Hjartans þakkir fyrir allt“

Helgarviðtalið

- Auglýsing -

Orðrómur

- Auglýsing -

Hinn frábæri söngvari, Bergþór Pálsson, ritar afar falleg minningarorð um Önnu Guðnýju Guðmundsdóttur píanóleikara, sem er látin, aðeins 64 ára að aldri, eftir erfiða baráttu við veikindi.

Fjöldi fólks hefur minnst Önnu á samfélagsmiðlum; þar á meðal margir af fremsta tónlistarfólki landsins; en Anna Guðný var lengi vel einn fremsti píanóleikari Íslands.

Anna Guðný Guðmundsdóttir.

Bergþór á ekkert nema fallegar minningar um Önnu Guðnýju, og einkennast skrif hans af hjartahlýju og virðingu – sem kemur ekki á óvart, enda er Bergþór heiðursmaður með mikla og sterka nærveru sem einkennist af lífsgleði og mannkærleika.

Bergþór segir að Anna Guðný hafi verið „hógvær, traust og vönduð manneskja í hvívetna. Fyrirmynd í vinnubrögðum og listfengi, dásamlegur félagi og heimskona.“

Hann segir einnig að „hún gat mörgum fremur framkallað hina eftirsóttu flauelsáferð í píanóleik, hvort sem var í mjúku draumlyndi eða ofsahraða. Það var eins og hún gæti ekki slegið feilnótu. Hún vissi að til þess þurfti að vinna botnlaust og það vílaði hún ekki fyrir sér.“

Bergþór segir að allir sem hafi kynnst Önnu Guðnýju hafi nú misst mikið:

- Auglýsing -

„En mest auðvitað fjölskyldan sem hún sinnti af þeirri alúð sem einkenndi allt hennar líf. Þeim sendi ég innilegar samúðarkveðjur. Hjartans þakkir fyrir allt, elsku Anna Guðný.“

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.
Fullum trúnaði er heitið.

Deila

Nýtt í dag

Mest lesið í vikunni

Í fréttum er þetta helst...

- Auglýsing -