Sunnudagur 4. desember, 2022
-2.2 C
Reykjavik

Morðalda á Íslandi: „Hver fjandinn er eiginlega í gangi?“

Helgarviðtalið

- Auglýsing -

Orðrómur

- Auglýsing -

Tveir karlmenn á fimmtugsaldri hafa verið handteknir vegna andláts konu á sextugsaldri. Lík hennar fannst í bíl við hús í Laugardal í gærmorgun. RÚV greinir frá því að konan hafi verið af erlendu bergi brotin. Lítið annað er vitað um málið að svo stöddu þar sem lögregla verst allra fregna.

Þetta er fjórða manndrápið á þessu ári, það þriðja á einungis sex vikna tímabili. Margir eru undrandi yfir vaxandi ofbeldi í íslensku samfélagi en ofbeldisglæpir hafa verið áberandi á árinu. Kolbeinn Tumi, fréttastjóri Stöðvar 2, Vísis og Bylgjunnar, er þar á meðal en hann skrifar á Twitter:

„Manndráp á Blönduósi, manndráp á Ólafsfirði, manndráp í Laugardalnum. Allt á sex vikna tímabili. Barðavogsmálið snemma í sumar. Hver fjandinn er eiginlega í gangi?“

Fáir hafa skýr svör við þessu. Annar blaðamaður, Andrés Magnússon, fulltrúi ritstjóra á Morgunblaðinu, gagnrýnir lögregluna harðlega á sama vettvangi. Hann segir lögregluna nánast reyna að hylma yfir morðið.

Hann skrifar: „Merkilegt. Þetta virðist ekki hafa verið talið markvert í Dagbók lögreglunnar. Kannski það sé tímabært að taka samskiptamál lögreglunnar til endurskoðunar.“

Andrés taggar svo sérstaklega flokksbróðir sinn og innanríkisráðherra, Jón Gunnarsson.

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.
Fullum trúnaði er heitið.

Deila

Nýtt í dag

Mest lesið í vikunni

Í fréttum er þetta helst...

- Auglýsing -