Fimmtudagur 8. desember, 2022
-4.2 C
Reykjavik

Neitar að hafa reynt að tæla til sín ungar stúlkur: „Þetta er alveg hræðilegt!“ 

Helgarviðtalið

- Auglýsing -

Orðrómur

- Auglýsing -

Eldri maður var í gær sakaður um að reyna að tæla unga stúlku upp í bílinn sinn við Austurbæjarskóla. Maðurinn neitar staðfastlega.

Í gær birti maður nokkur ljósmynd af bílnúmeri á Facebook og bað vini og kunningja sína sem búa í kringum Austurbæjarskóla að hafa augun opin fyrir þessum bíl. Segir hann ökumann bílsins hafa reynt að tæla stelpu úr fimmta bekk upp í bílinn sinn. „Vinir og kunningjar í kringum Austó! Þessi bíll er að reyna að lokka ungar stúlkur til sín! Úr 5. bekk!! 10 og 11 ára!! Höfum augun opin fyrir þessum viðbjóð! Endilega deila áfram.“

Skiljanlega urðu viðbrögðin gríðarlega sterk og hófst leit að bílstjóranum en með hjálp internetsins var hægt að finna bæði fullt nafn og símanúmer mannsins. Reyndist hann vera karlmaður í eldri kantinum. Sá svaraði færslunni: „Dettur ekki í hug að tæla einhverjar stelpur! Lagði í 5. mínútur fyrir utan Sundhöllina og fór ekki einu sinni út úr bílnum.“

Upprunamaður færslunnar svaraði bílstjóranum: „Það er þá bara frábært mál og við erum eitthvað að misskilja börnin okkar… ég reikna þá með að þú hafir líka augu og eyru opin fyrir svona viðbjóð! Takk kærlega fyrir það.“

Bílstjórinn svaraði svo í tvígang: „Já það skal ég gera.“ og „Já þetta er viðbjóður enda er ég sjálfur búinn að hringja í lögregluna.“

„Frábært,“ svaraði upprunamaðurinn þá.

- Auglýsing -

Ekki voru allir þeir sem skrifuðu athugasemd við færsluna, sátt við þessa aðferð upprunamannsins en þeim fannst full gróft að birta mynd af bílnúmeri hjá meintum barnaníðingi: „Þú verður að gefa betri skýringu fyrir því af hverju þú ert að hengja hann út sem kynferðisafbrotamann. Hver tók myndina? Af hverju? FYRST þú ert að leika löggu, verður þú að vera nýja starfi þínu vaxinn,“ skrifaði einn ósáttur.

Upprunamaðurinn svaraði um hæl: „Ég hef ekkert hengt neinn sem afbrotamann en ég hafði samband við manninn… eftir nokkrar sögur frá krökkum og foreldrum… hef aldrei kallað hann kynferðisafbrotamann… þú gerðir það! Ég mun fylgjast vel með áfram og aumingjar eins og þú geta móðgast heima hjá ykkur fyrir hans hönd.“

Annars staðar svarar upprunamaðurinn konu sem finnst hann ganga of langt með birtingu bílnúmersins: „afhverju eru margar myndir af þessum bíl og margar sögur frá okkar börnum tengd þessum bíl… er hann bara svona óheppinn að vera á vitlausum stað.. löggan veit af þessu en getur ekkert gert fyrr en eitthvað alvarlegt gerist! Skal frekar biðjast afsökunar og pósta útum allt þegar við hættum að fá fréttir af þessu bílnúmeri.“

- Auglýsing -

Mannlíf hringi í bílstjórann og spurði hann út í málið og hvort það sé ekki erfitt þegar bílnúmer manns birtist með færslu sem þessari. Maðurinn tók illa í símtalið en svaraði þó: „Jú, það er bara hræðilegt!“ Endurtók hann einnig sína hlið, hann hafi bara lagt bílnum við Sundhöllina í fimm mínútur og ekki reynt að tæla neina upp í.

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.
Fullum trúnaði er heitið.

Deila

Nýtt í dag

Mest lesið í vikunni

Í fréttum er þetta helst...

- Auglýsing -