2019 | Birtingur útgáfufélag ehf | k.t. 620867-0129 | VSK.nr 11788 | Síðumúla 28 | Allur réttur áskilinn. Notkun á efni miðilsins er óheimil án samþykkis.

Netþrjótar stálu hundruðum þúsunda af reikningi Ásdísar Olsen

„Einhver búinn að taka út 798.000 og 11.000 út — og svo þetta!! allar færslurnar á Nova og enginn við þar!! Hvað geri ég? Valitor segir mér að fylla út skýrslu?“

Þetta skrifar Ásdís Olsen, dagskrárgerðarkona og núvitundarfrumkvöðull, í örvilnan á Facebook fyrr í dag.

Þar greinir hún frá því að óprúttnir aðilar hafi stolið samtals 809.000 krónum af bankareikningi hennar. Færslurnar hafi verið teknar út hjá símafyrirtækinu Nova, en þar sé enga hjálp að fá þar sem enginn sé við.

Ekki virðist dagskrárgerðarkonan ánægðari með vinnubrögðin hjá greiðslukortafyrirtækinu. „Valitor í alvöru!!! — tókst að fylla út kvörtunar formið með því að fá lánaðar gáfur hjá mörgum vinum — breyta vefformati í pdf skjal, skrifa undir — (það er maus) og senda skjal með tölvupósti,“ kvartar Ásdís.

AUGLÝSING


Netþrjótarnir virðast hafa reynt að taka meira af kortinu hennar, upphæðir að andvirði fleiri hundruð þúsunda.

Fjölmargir rita ummæli við færsluna og nokkrum klukkustundum síðar bætir Ásdís sjálf við ummælum og segist loks hafa náð sambandi við Nova þar sem Jón Steinar öryggisstjóri Nova hafi tekið málið föstum tökum og rakið úttektir. „Þetta er lögreglumál og mikil saga,“ skrifar hún. „Fólk að lenda í vanda með neysluna skilst mér, takk fyrir hjálpina.“

Lestu meira

Annað áhugavert efni

Nýjast á Mannlíf.is

Nýjast á Gestgjafanum