Á borgarstjórnarfundi 21. júní 2022 kom fram að umræðu og atkvæðagreiðslu á úthlutun lóðar að Einarsnesi 130 væri frestað. Lóðin, Einarsnes 130, er staðsett innan flugvallafirðingarinnar og er byggingaréttur hennar um 140 íbúðir.
17. júní síðastliðinn voru ný ákvæði laga um loftferðir samþykkt á Alþingi. Urðu þar með skipulagsreglur flugvalla rétthærri en deiluskipulag sveitarfélaga.
Reykjavíkurborg lagðist gegn lagabreytingunni og vildi fyrrum borgarstjórnarmeirihlutinn í Reykjavík meina að hún væri ekki bara óeðlileg heldur gróf aðför að sjálfstjórnarrétti sveitarfélaga.
„Borgin gerir verulegar athugasemdir við frumvarp innviðaráðherra. Engin rök eru færð fyrir því hvers vegna frumvarpið gerir ráð fyrir að ráðherra hafi heimild til að setja skipulagsreglur fyrir flugvöll. Nái breytingin fram að ganga mun hún kollvarpa því skipulagsvaldi sem sveitarfélög hafa yfir flugvöllum innan eigin staðarmarka. Dapurlegt er að í athugasemdum í greinargerð frumvarpsins eru ekki færð fram nein rök fyrir því að nauðsynlegt sé að víkja frá því meginsjónarmiði skipulagslaga nr. 123/2010 um að ákvörðunartaka í skipulagsmálum eigi að vera sem næst þeim sem málið varðar.
Umrætt ákvæði er ekki bara óeðlileg og gróf aðför að sjálfstjórnarrétti sveitarfélaga – heldur er hún algjörlega án knýjandi eða málefnalegra ástæðna. Þá er málsmeðferð frumvarpsins verulega ámælisverð. Það er löngu tímabært að ríkið láti af afskiptum sínum af skipulagsvaldi sveitarfélaga.“
Hér að neðan má sjá fund borgarstjórnar.