2019 | Birtingur útgáfufélag ehf | k.t. 620867-0129 | VSK.nr 11788 | Síðumúla 28 | Allur réttur áskilinn. Notkun á efni miðilsins er óheimil án samþykkis.

Nýr eigandi tekur við rekstri Birtíngs útgáfufélags

Samkomulag hefur verið gert við félag í eigu framkvæmdastjóra Birtíngs útgáfufélags ehf. um kaup á öllu hlutafé í fyrirtækinu. Viðskiptin hafa verið tilkynnt Fjölmiðlanefnd.

Birtíngur útgáfufélag á sér langa sögu og gefur meðal annars út tímaritin Vikuna, sem nýlega fagnaði 80 ára útgáfuafmæli sínu, Gestgjafann og Hús og híbýli. Þá hefur Birtíngur einnig gefið út fríblaðið Mannlíf í nær þrjú ár sem hefur fest sig í sessi sem eitt mest lesna helgarblað landsins.

Sigríður Dagný framkvæmdastjóri Birtíngs segir það fagnaðarefni að farsæl útgáfa tímaritanna geti haldið áfram.

„Vikan, Hús og híbýli og Gestgjafinn eru leiðandi tímarit á Íslandi á sínu sviði sem við viljum styrkja enn frekar til framtíðar, sérstaklega stafræna útgáfu þeirra og áskriftarsölu. Við hlökkum til að halda áfram að þjónusta þúsundir áskrifendur okkar tímarita og lesendur Mannlífs,“ segir Sigríður.

AUGLÝSING


Sigríður Dagný.

Sigríður Dagný verður eftir breytingarnar eini eigandi Birtíngs útgáfufélags ehf.

Samstarfssamningur um rekstur vefsvæðis

Samhliða ofangreindum kaupsamningi verður unnið að gerð samstarfssamnings um rekstur vefsvæðis, sem mun meðal annars birta hágæðaefni um lífsstíl, tísku, heimili, hönnun og mat fyrir vörumerki Birtíngs. Þar mun útgáfufélagið einnig selja áskriftir tímarita og bjóða upp á stafræna útgáfu Mannlífs. Birtíngur fær sérstaklega greitt fyrir framleiðslu og notkunarrétt á umræddu efni.

Samkvæmt samstarfssamningi er fyrirhugað að vefsvæðið verði í umsjón og eigu Halldórs Kristmannssonar, útgefanda Mannlífs. Ritstjórnarkostnaður vegna vinnslu fréttaefnis ásamt rekstri og þróun vefsvæðisins mun falla undir umræddan samstarfssamning. Stefnt er að því að samstarfið hefjist 1. ágúst næstkomandi.

Lestu meira

Annað áhugavert efni

Nýjast á Mannlíf.is

Nýjast á Gestgjafanum