Molnupiravir er hægt að gefa í töfluformi en sjúkrahúsið hefur áður notað Ronapreve og svo er annað lyf einnig væntanlegt sem heitir Sotrivimab. Þau síðarnefndu eru einstofna mótefnalyf sem hindra að veiran komist inn í frumurnar og þarf að gefa þau í æð.
Runólfur segir lyfin kosta mikið en mörg lyf séu í þróun gegn alvarlegum einkennum sjúkdómsins. Rannsóknir sýni að lyfin minnki tíðni sjúkrahúsinnlagna og dauðsfalla séu þau gefin snemma.
Frá þessu er greint í Morgunblaðinu í dag. Haft er eftir Runólfi að lyfin hafi gefið góða raun þegar meðferð hefst snemma eftir smit hjá fólki sem hætt er við að veikist alvarlega af COVID-19.
Það eigi við um óbólusetta með áhættuþætti og bólusetta sem til dæmis hafa alvarlega undirliggjandi sjúkdóma eða taka ónæmisbælandi lyf.