Ofbeldi unglinga hefur verið mikið í fréttum og í umræðunni undanfarnar vikur en telja margir að sterkar vísbendingar séu um aukningu á þessu sviði og að ofbeldið sé orðið grófara.
Mannlíf bað Lögregluna á höfuðborgarsvæðinu að taka saman tölfræði um ofbeldi unglinga og ungmenna síðustu árin. Hér eru niðurstöðurnar:
Fyrirvari:
Hér er aðeins um að ræða þann fjölda tilkynninga um ofbeldisbrot sem komið hafa á borð lögreglunnar á höfuðborgarsvæðinu en ekki á landsvísu. Tölur ná frá árinu 2008 og til og með 6. október 2022.
Aðferð:
Teknar voru út upplýsingar um ofbeldisbrot á höfuðborgarsvæðinu þar sem gerandi og/eða þolandi var undir 18 ára aldri.
Svar:
Eins og sést á myndinni fór ofbeldisbrotum ungmenna undir 18 ára aldri að mestu fækkandi frá árinu 2008 til ársins 2014 þegar tilkynnt var um fæst slík brot hjá LRH. Upp frá því hefur brotum farið fjölgandi, fyrir utan árið 2019. Aldrei hefur verið tilkynnt um fleiri ofbeldisbrot ungmenna en í fyrra. Miðað við þróunina í ár lítur út fyrir að aðeins hafi dregið úr slíkum tilkynningum og ef ekki verða stórar breytingar á tilkynningum á síðasta fjórðungi ársins er líklegt að fjöldi tilkynninga verði á pari við árið 2020.
Sem sagt, ofbeldi meðal ungmenn hefur farið fjölgandi síðan 2008 en virðist standa í stað í ár en metfjöldi brota voru tilkynnt í fyrra og því ástandi ekki gott.