Síðastliðið föstudagskvöld var Agnieszku Sokolowska ógnað af byssumanni fyrir framan skrifstofur Sósíalistaflokks Íslands í Reykjavík. Maðurinn var ágengur og spurði Agniezku ítrekaðra spurninga á meðan hann státaði sig af vopninu. Víkingasveitin mætti á svæðið og handsamaði manninn. Agniezka deildi reynslu sinni og atvikinu á fésbókarsíðu sinni. Færslan hefur verið þýdd:
Hið furðulegasta atvik henti mig: Það er snemma að föstudagskvöldi og ég stend fyrir framan skrifstofur Sósíalistaflokks Íslands þegar óþekktur gaur nálgast mig með byssu í hendinni. Hann bendir á merki flokksins á glugganum og spyr mig hvort ég sé að bíða eftir að komast inn. Svo spyr hann mig hvort það sé ég sem hafi prentað lógóið, í þeirri andrá sem ég ætla að svara honum otar hann byssunni að mér og stærir sig af því að hann hafi í raun þrívíddarprentað hana út og hann gefur mér meira að segja kaliber byssunnar. Síðan heldur hann áfram og spyr mig hvaðan ég sé og þegar ég svara honum segist hann hafa áttað sig á því. Því næst hann spyr mig hvort ég eigi sígarettu.
Á þessum tímapunkti byrja ég að ganga í átt að bílnum mínum. Ég tek kannski fimm skref þegar ég heyri ískrandi bremsuhljóð. Ég sný mér við og sé bíl víkingasveitarinnar stoppa fyrir framan manninn. Hann sleppir byssunni og stígur frá henni. Einn lögreglumannanna grípur hann og handjárnar á meðan annar fjarlægir byssunni af jörðinni. Á sama augnabliki kemur venjulegur lögreglubíll með tveimur lögreglumönnum í. Þeir leiða handsamaða gæjann í lögreglubílinn og báðar bifreiðarnar hverfa af vettvangi. Enginn þeirra virðir mig viðlits. Ég reyni að átta mig. Eftirfylgni: Byssan reyndist vera leikfang, gaurinn er dópisti, einn af góðkunningjum lögreglunar og það voru starfsmenn hótelsins í nágrenninu sem létu lögregluna vita eftir að hafa séð vopnaðan einstakling valsa um. Bara venjulegur föstudagur í Reykjavík.
