Upp úr klukkan fimm í gær var tilkynnt um þjófnað í verslun þar sem maður stal úlpu að verðmæti 130 þúsund króna.
Nóg var um að vera hjá lögreglu í nótt en í miðborginni voru tveir menn vistaðir í fangageymslu. Annar þeirra er grunaður um umferðaróhapp og akstur undir áhrifum áfengis og fíkniefna, hann fór ekki eftir fyrirmælum lögreglu og reyndi að hlaupa á brott frá vettvangi. Þá var maður handtekinn fyrir að veitast að fólki og fara ekki eftir fyrirmælum lögreglu, hann er sagður hafa verið í annarlegu ástandi.
Klukkan þrjú í nótt var maður kærður fyrir að kasta af sér þvagi á hús Héraðsdóms Reykjavíkur.
Þónokkrir voru stöðvaðir og kærðir fyrir akstur undir áhrifum áfengis eða fíkniefna. Í eftirliti lögreglu á Hafnarfjarðavegi voru 65 ökutæki stöðvuð, tveir ökumenn voru undir refsimörkum og gert að hætta akstri en einn var kærður fyrir ölvunarakstur, akstur án gildra ökuskirteina og skjalafals en hann sýndi lögreglu falsað ökuskirteini.
Um klukkan hálf 10 í gærkvöldi var bifreið stöðvuð í Grafarvogi. Mikil fíkniefnalykt var af ökumanni og fundust ætluð fíkniefni í bifreiðinni. Ökumaður reyndist ekki vera undir áhrifum fíkniefna en efnin voru handlögð og skýrsla rituð.