Hildur Sverrisdóttir alþingismaður Sjálfstæðisflokksins og sambýlismaður hennar, Gísli Árnason, eiga von á barni. Þetta kemur fram á Facebook-síðu Hildar en þar kemur fram að von sé á nýjum fjölskyldumeðlimi í apríl næstkomandi.
„Þessi litla týpa ætlar að mæta til okkar á Ránargötunni í apríl. Við erum svo ósköp mikið glöð og þakklát með þessa viðbót við lífið og hlökkum til að sýna þessari nýju manneskju borgina og heiminn,“ skrifar Hildur og birtist sónarmynd af fóstrinu litla.
Er þetta fyrst barn þeirra saman en Gísli á fyrir þrjú börn.
Mannlíf óskar tilvonandi foreldrum innilega til hamingju með óléttuna!