- Auglýsing -
Anna nokkur biður netverja um að grípa ekki vörur með sér í flýti í verslunum Fiskikóngsins heldur huga vel að því hvað áður hvað þær kostar. Á dögunum brá henni heldur betur í brún þegar hún ætlaði að kaupa sósu með fiskinum en segist ekki hafa látið Kristján Berg Ásgeirsson, sjálfan Fiskikónginn, plata sig.
Anna segir frá atvikinu í fjölmennu eftirlitssamfélagi á Facebook, Vertu á verði – eftirlit með verðlagi:
„Fór áðan í Fiskikónginn við Gullinbrú og keypti þar fiskibollur. Allt gott með það.
Datt í hug að kaupa líka brúna lauksósu frá Toro til að hafa með. Einn pakki kostaði þar 400 kr. Ég fór í Bónus og keypti þar sömu tegund….eins pakka….á 155 kr. Vildi bara benda fólki á að grípa ekki með sér í flýtinum. Það hefði verið þægilegt að kippa þessu með…en ég sleppti því. Látum ekki plata okkur!,“ segir Anna.
Undir færslunni tjá sig margir meðlimir. Sumir þeirra benda á erfitt sé að bera þessar tvær verslanir saman og meðan aðrir þakka Önnu fyrir ábendinguna. Sigrún er sátt. „Vá, þetta er of mikið. Takk Anna, að benda okkur hinum á,“ segir hún. Og það er Kristín líka. „Takk fyrir ábendinguna. Það er ansi mikill munur. Myndi alveg sætta mig við 100 kr en ekki svona mikið,“ segir Kristín.
Þórir er hins vegar ánægður með Fiskikónginn. „Mér finst þetta bara góð þjónusta,“ segir Þórir.
Jósef blæs á þessa gagnrýni. „Þetta er enganvegin samanburðarhæft. Bónus er með á annan tug verslana og siitt eigið vöruhús. Og kaupir inn í magni. Og er með afsláttakjör hjá birgjum. Fiskikóngurin er með 2 verslanir. Þarf að versla inn af birgjum á fullu verði og litlu magni. Það er ekki verið að vera plata neinn,“ segir Jósef ákveðinn.