Starfsmenn Torgs ehf eru verulega ósáttir en um hundrað manns misstu vinnuna á föstudaginn síðastiðinn þegar útgáfu Fréttablaðsins og sjónvarps Hringbrautar var hætt skyndilega. Mikil gagnrýni hefur verið vegna lítils fyrirvara en samkvæmt umfjöllun Morgunblaðsins í dag var stjórnendum og eiganda félagsins ljóst í hvað stefndi fyrir rúmum þremur mánuðum síðan.
Breytingar voru gerðar hjá Fréttablaðinu um áramótin þegar dreifingu blaðsins var hætt en Fréttablaðið hefur verið rekið með miklu tapi undanfarin ár. Tapið minnkaði árið 2021 og virtist benda til að bjartari tímar væru framundan þegar kæmi að rekstrinum. Aðeins nokkrum vikum síðar kom í ljós að svo var ekki. Helmingur starfsmanna sem misstu vinnuna á föstudag voru félagsmenn Blaðamannafélags Íslands eða um 15% félagsmanna þess.