Sunnudagur 29. janúar, 2023
0.1 C
Reykjavik

Paralympic-dagurinn haldinn á laugardaginn: „Mikilvægi hreyfingar er mikil fyrir fatlaða“

Helgarviðtalið

- Auglýsing -

Orðrómur

- Auglýsing -

Næstkomandi laugardag verður Paralympic-dagurinn 2022 haldinn en það er einmitt á alþjóðadegi fatlaðra.

Á hvatisport.is má sjá tilkynningu Þórðar Árna Hjaltested, formanns Íþróttasambands fatlaðra um Paralympic-daginn 2022. Þar segir meðal annars:

„Þá er loks komið að því eftir Covid viðburðatakmarkanir að við getum haldið Paralympic daginn. Dagurinn er nú sem hingað til helgaður kynningu á íþróttagreinum sem stundaðar eru innan vébanda Íþróttasambands fatlaðra. Íþróttanefndir ÍF, aðildarfélög ÍF og samstarfsaðilar sambandsins koma saman í frjálsíþróttahúsinu í Laugardal, sem tengt er Laugardalshöll, til að kynna íþróttagreinar og starfsemi íþróttafélaga fatlaðra. Samstarfsaðilar ÍF verða með kynningar og boðið er upp á veitingar í boði Toyota á Íslandi. Einnig verða drykkir í boði Coke á Íslandi.“

Segir hann að markmiðið með deginum sé að auka þátttöku í íþróttum fatlaðra.

„Markhópurinn eru fatlaðir einstaklingar og eru fjölskyldur fatlaðra barna og ungmenna sérstaklega hvattar til að koma á staðinn til að kynna sér íþróttir sem í boði eru og átta sig á framboðinu, eða fjölbreytileikanum sem í boði er hér á landi.“

Að lokum talar Þórður um mikilvægi hreyfingar fyrir fatlaða einstaklinga til að auka lífsgæði þeirra.

- Auglýsing -

„Mikilvægi hreyfingar er mikil og ekki síst fyrir einstaklinga með fötlun sem geta með markvissri þátttöku í íþróttum aukið lífsgæði og getu til þátttöku í samfélaginu.

Verið öll velkomin á Paralympic-dag ÍF næstkomandi laugardag milli kl. 13 og 15 í frjálsíþróttahúsið tengt Laugardalshöll.“

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.
Fullum trúnaði er heitið.

Deila

Nýtt í dag

Mest lesið í vikunni

Í fréttum er þetta helst...

- Auglýsing -