2019 | Birtingur útgáfufélag ehf | k.t. 620867-0129 | VSK.nr 11788 | Síðumúla 28 | Allur réttur áskilinn. Notkun á efni miðilsins er óheimil án samþykkis.

Perlað af Krafti: Komum saman og njótum þess að gefa af okkur á aðventunni

Kraftur hvetur landsmenn alla til að perla með sér nýtt „Lífið er núna“ armband í tilefni af 20 ára afmæli félagsins.

 

Á fyrsta í aðventu nánar tiltekið 1. desember ætlar Kraftur að vera með skemmtilegan aðventuviðburð á Icelandair Hótel Natura milli klukkan 13 og 17. Þar verður afmælisarmband Krafts  perlað og ýmis skemmtidagskrá þar á meðal hljómsveitin Ylja, Prins Póló með Prins Jóló og Lalli töframaður. Þetta er tilvalin stund fyrir fjölskyldu og vini að koma saman og njóta þess að gefa af sér.

„Kraftur hefur nú formlega slitið barnsskónum og er orðið 20 ára. Við höfum svo sannarlega haldið upp á það í ár en þessi viðburður er sá tólfti á árinu. Viðburðirnir okkar hafa tengst vitundarvakningu, upplifunum eða fræðslu fyrir bæði almenning og félagsmenn. Virkilega viðburðarríkt og skemmtilegt ár sem við viljum enda með stæl með því að frumsýna afmælisarmbandið okkar og perla það með landsmönnum“, segir Hulda Hjálmarsdóttir, framkvæmdastjóri Krafts.

Afmælisarmbandið mun fást í takmörkuðu upplagi en öll armböndin eru perluð af sjálfboðaliðum og seld til stuðnings ungu fólki sem greinst hefur með krabbamein og aðstandendum.  „Við verðum í sannkölluðu aðventuskapi og verður skemmtileg dagskrá líka á viðburðinum. Svo munum við sýna heimildarmyndina „Lífið er núna“ sem var einmitt gefin út í október og segir í máli og myndum frá síðustu 20 áruum í tilveru Krafts.”

AUGLÝSING


Auðvelt er að setja saman afmælisarmband Krafts og er þetta tilvalin stund fyrir stóra sem smáa að koma og leggja hönd á perlu og styðja um leið við gott málefni. Dásamlegar stundir á aðventunni þar sem fjölskylda og vinir geta komið saman og notið þess að gefa af sér.

Fyrir þá sem eru staddir fyrir norðan á aðventunni þá verður afmælisarmband Krafts einnig perlað á Akureyri nánar tiltekið í Brekkuskóla á annan í aðventu milli klukkan 13 og 17.

Viðburður á Facebook.

Ekki missa af þessum

Annað áhugavert efni

Nýjast á Mannlíf.is

Nýjast á Gestgjafanum