Lögreglan á höfuðborgarsvæðinu segir að rannsókn hennar í stóra fíkniefnamálinu sem sagt var frá fyrir nokkru, miði vel. Eins og fram hefur komið er um að ræða tæplega 100 kg af kókaíni sem falið var í vörusendingu á leið til landsins.
Sjá einnig: Innflutningur fíkniefna – Hald lagt á tæplega 100 kg af kókaíni
Fíkniefnin voru í gámi á leið til Íslands frá Brasilíu með viðkomu í Hollandi. Hafa löggæsluyfirvöld á Íslandi og Hollandi unnið náið saman vegna málsins en kókaínið fannst í Hollandi við leit tollvarða í timbursendingu. Ástæða leitarinnar í Hollandi var byggð á upplýsingum frá íslenskum löggæsluyfirvöldum sem fengust í frumkvæðisrannsóknum á skipulagri brotastarfsemi, þar sem kom fram grunur um að mikið magn af kókaíni væri að finna í gámnum.
Ljósmynd: Aðsend
Eftir að fíkniefnin fundust voru þau handlögð og gerviefnum komið fyrir í þeirra stað í gáminum. Einn maður var svo handtekinn eftir að hafa fjarlægt úr vörusendingunni hér heima, auk þriggja einstaklinga sem taldist eru tengjast málinu. Voru fjórmenningarnir allir úrskurðaðir í gæsluvarðhald í byrjun mánaðarins og gæsluvarðhaldið var síðan framlengt yfir þremur þeirra til 14. september. Sá fjórði var færður í afplánun vegna annarra mála.