Réðust á starfsmann í verslun og stálu vörum

Efnisorð

Deila

- Auglýsing -

Til­kynnt var um lík­ams­árás í versl­un í Kópa­vogi í nótt, að því er fram kemur í dagbók lögreglu. Þrír menn réðust á starfs­mann í versluninni laust fyrir klukkan þrjú og stálu vörum. Í tilkynningu kemur fram að ekki sé vitað um meiðsli starfsmannsins en að málið sé til rannsóknar.

Fyrr í nótt, eða um hálf eitt leytið, hafði lögreglan afskipti af ökumanni sem reyndi að komast undan henni. Segir í tilkynningu að viðkomandi hafi stuttu síðar stöðvað bifreiðina og reynt að flýja en náðst á hlaupum. Var maðurinn undir áhrifum áfengis.

Þá hafði lögreglan hendur í hári manns sem hafði ekið á þrjár bifreiðar og reynt að stinga af. Viðkomandi er grunaður um ölvun og var hann vistaður fyrir rannsókn í fangageymslu.

- Auglýsing -

Athugasemdir

Lestu meira