- Auglýsing -
Maðurinn sem gerði tilraun til vopnaðs ráns í apóteki á Laugavegi í dag reyndist vopnaður leikfangabyssu. Þetta kemur fram í tilkynningu frá lögreglunni á höfuðborgarsvæðinu fyrir skemmstu.
Í tilkynningunni segir að um var að ræða ungan mann í annarlegu ástandi. Maðurinn reyndi að ræna lyfjaverslun á Laugavegi og ógnaði starfsfólki með byssu. Síðar kom í ljós að um leikfangabyssu var að ræða. Lögregla kom fljótt á vettvang og handtók manninn, sem er nú vistaður í fangageymslu lögreglu og verður yfirheyrður í kvöld eða á morgun.