Þriðjudagur 19. mars, 2024
-0.2 C
Reykjavik

Ríkisstjórnin boðar til blaðamannafundar í Hörpu – talin ætla að kynna björgunaðgerðir vegna COVID-19

VefTv

- Auglýsing -

Hlaðvörp

- Auglýsing -

Ríkisstjórn Íslands hefur boðað til blaðamannafundar í Hörpu á morgun, laugardaginn 21. mars, klukkan 13.  Líklegt þykir að hún ætli að kynna frekari björgunaraðgerðir vegna þess skaða sem COVID-19 veiran er að valda íslensku atvinnulífi.

Mannlíf greindi frá því á mánudag að ríkisstjórnin væri langt komin með vinnu að aðgerðarpakka til að takast á við á þá stöð­u sem er komin upp í samfélaginu vegna COVID-19 veirunnar og að hann yrði tilkynntar núna í vikunni. Katrín Jakobsdóttir forsætisráðherra staðfesti þetta í þættinum Kastljós á RÚV á þriðjudag. Var upp­haf­lega reiknað með að ríkisstjórnin myndin efna til fundar á miðvikudag eða fimmtudag til að kynna þessar aðgerðir, en ekkert varð af því.

Heimildir Mannlífs herma að umræddar aðgerðir miði að því að styðja enn frekar við íslenskt atvinnulíf og þá sérstaklega fyrirtæki í ferðaþjónustu og minni og millistór fyrirtæki. Samkvæmt heimildunum er talið að umræddar aðgerðir snúist um milljarða, jafnvel tugi milljarða.

Mannlíf hafði áður, fyrst fjölmiðla, greint frá fyrsta aðgerðarpakka ríkisstjórnarinnar, á sunnudegi fyrir tæpum tveimur vikum. Stjórnvöld kynntu svo þær áætlanir á þriðjudag í síðustu viku. Þar var m.a. greint frá því að forsendur fjármálastefnu ríkisstjórnarinnar væru brostnar. Tilkynnt var um möguleika á frestun á skilum opinberra gjalda og tímabundna niðurfellingu gistináttaskatts. Bjarni Benediktsson fjármálaráðherra boðaði stórt markaðsátak þegar veiran er um garð gengin og að gripið verði til ráðstafana til að örva einkaneyslu, til dæmis með skatta- eða stuðningskerfum. Þá hefur ríkisstjórnin boðað að aukinn kraftur verði settur í framkvæmdir á vegum opinberra aðila.

Samkvæmt fyrrgreindum heimildum Mannlífs má búast að aðgerðirnar sem verða kynntar á blaðamannafundinum á morgun komi til með að verða hvoru tveggja sértækar og almennar.

Fund­inum verður streymt á vef­síðu Stjórn­ar­ráðs­ins.

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.

Fullum trúnaði er heitið.

Deila

Nýtt í dag

Mest lesið í vikunni

Raddir

Í fréttum er þetta helst...

- Auglýsing -