Hollywood-stjörnurnar Ryan Reynolds og Rob McElhenney gáfu rúmar þrjár milljónir króna í söfnun fyrir litla stúlku sem þjáist af sjaldgæfu heilaæxli.
Leikararnir og vinirnir Ryan og Rob, sem eiga saman velska fótboltaliðið Wrexham FC, stukku er þeir heyrðu af veikindum Ariu Hodgkiss litlu sem er með sjaldgæft heilaæxli. Gáfu þeir stúlkunni 10.000 dollara hvor en samanlagt eru það rúmar þrjár milljónir króna.
Peningagjöf þeirra félaga hjálpaði stúlkunni að ná 10. milljóna markmiðinu um síðustu helgi en fjölskylda hennar var með Go Fund Me styrktarsíðu.
Aria, sem er frá Wrexham, greindist með sjaldgæft æxli sem kallast Diffuse Intrinsic Pontine Glioma eða DIPG á þriggja ára afmæli sínu. Æxlið er óskurðtækt og bregst illa við lyfjameðferð. Horfur þeirra sem greinast með hinn banvæna sjúkdóm eru ekki góðar en flestir þeirra sem greinast deyja innan níu mánaða eftir greiningu en aðeins 1% barna nær fimm ára aldri.
Ljósmynd: Melane Hodgkiss
Það kostar rúmar 660.000 kr. á mánuði að greiða fyrir meðferð sem heldur Ariu litlu á lífi. Fjölskyldan vonar nú að söfnunin á Go Fund Me hjálpi þeim að greiða fyrir nýtt krabbameinslyf sem kallast ONC201 en það gæti mögulega bjargað lífi stúlkunnar.
Sagt er frá málinu á Mirror.