2019 | Birtingur útgáfufélag ehf | k.t. 620867-0129 | VSK.nr 11788 | Síðumúla 28 | Allur réttur áskilinn. Notkun á efni miðilsins er óheimil án samþykkis.

Sakar formann Blaðamannafélagsins og samninganefnd um heimsku

Stefán Einar Stefánsson, blaðamaður á Morgunblaðinu, hefur tjáð sig um uppsagnir dagsins á Facebook og virðist kenna Hjálmari Jónssyni, formanni Blaðamannafélagsins, og samninganefnd BÍ um.

„Í dag horfum við starfsfólk Árvakurs á eftir 15 öflugum og góðum samstarfsmönnum sem sagt er upp vegna rekstrarerfiðleika fyrirtækisins. Á morgun ætlar Hjálmar Jónsson að lama þetta sama fyrirtæki með 12 tíma löngu verkfalli. Annað svipað á að fylgja í næstu viku. Enn harðari aðgerðum hefur verið hótað í kjölfarið,“ segir Stefán Einar.

„Fyrir nokkru er mér orðið ljóst að formaður Blaðamannafélagsins er ekki í neinum tengslum við raunveruleikann og því miður virðist sem samninganefnd félagsins sé það ekki heldur. Það er erfitt að bjarga mönnum frá sjálfum sér. Það er hins vegar verra þegar ekki er hægt að bjarga saklausu fólki frá heimsku þeirra.“

Stefán neitaði því á dögunum að verkfallsbrot hefðu verið framin á Morgunblaðinu þegar fréttir birtust á mbl.is á meðan verkfallsaðgerðum stóð. „Hjálmar Jónsson er bara enginn verkstjóri yfir mér eða öðru starfsfólki hér,“ sagði hann þá.

AUGLÝSING


Athygli vekur að nokkrir starfsmenn Árvakurs hafa þegar lýst velþóknun sinni með færslu Stefáns Einars.

Fréttin verður uppfærð.

Lestu meira – 15 sagt upp í Hádegismóum

Lestu meira – Stefán Óli húðskammar Stefán Einar: „Á dauða mínum átti ég von“

Lestu meira – Stefán Einar: „Hjálmar Jónsson er bara enginn verkstjóri yfir mér“

Ekki missa af þessum

Annað áhugavert efni

Nýjast á Mannlíf.is

Nýjast á Gestgjafanum