2019 | Birtingur útgáfufélag ehf | k.t. 620867-0129 | VSK.nr 11788 | Síðumúla 28 | Allur réttur áskilinn. Notkun á efni miðilsins er óheimil án samþykkis.

„Kjöt og dýraafurðaauglýsingar beint ofan í kokið á mér“

Grænkerinn Ragnar Freyr tók skjáskot af kjöt- og dýraafurðaauglýsingum á Facebook í viku í tilraunaskyni.

 

„Facebook veggurinn hjá mér er undirlagður myndum af sundurbútuðum einstaklingum sem vildu lifa og/eða líkamsvessum þeirra,“ skrifar grænkerinn Ragnar Freyr í færslu í Vegan Ísland hópnum á Facebook.

Með færslunni birtir hann samsetta mynd sem hann bjó til. Myndin er gerð úr skjáskotum af nokkrum auglýsingum sem hafa birst á Facebook hjá honum á einni viku. Um auglýsingar þar sem kjöt og aðrar dýraafurðir eru auglýstar er að ræða.

Í færslunni bendir Ragnar einnig á að grænkerar eru gjarnan sagðir öfgafullir einstaklingar sem beita áróðri. En frá hans sjónarhóli blasir þetta þveröfugt við.

„Að minnsta kosti 20 sponsored kjöt og dýraafurðaauglýsingar beint ofan í kokið á mér.“

AUGLÝSING


„Við höfum sennilega öll heyrt frá kjötætum að við séum að troða skoðunum okkar upp á annað fólk. Þessi mynd hér að neðan sýnir eina viku á Facebook hjá mér. Að minnsta kosti 20 sponsored kjöt og dýraafurðaauglýsingar beint ofan í kokið á mér. Fleiri en ein frá MS sem eru að reyna að eigna sér október með tilheyrandi hallærisheitum. Og þetta eru bara þær auglýsingar sem ég nennti að taka skjáskot af.“

Margir taka undir með Ragnari og hafa sömu sögu að segja.  „Ég er alltaf að reporta svona auglýsingar í von um að losna við þær en það virðist ekki hafa nein áhrif,“ er t.d. skrifað í athugasemd við færsluna.

Myndin sem Ragnar Freyr setti saman úr skjáskotum af Facebook.

Ekki missa af þessum

Annað áhugavert efni

Nýjast á Mannlíf.is

Nýjast á Gestgjafanum