2019 | Birtingur útgáfufélag ehf | k.t. 620867-0129 | VSK.nr 11788 | Síðumúla 28 | Allur réttur áskilinn. Notkun á efni miðilsins er óheimil án samþykkis.

Samherji segir upp allri áhöfninni á stærsta netabát sínum

Samherji sagði upp í gær allri áhöfn Önnu EA 305, stærsta línuveiðiskipi landsins. Áhöfnin samanstendur af 18 skipverjum, þar á meðal skipstjóranum Unnsteini Líndal Jensson. Var allri áhöfninni gert að hætta störfum samdægurs.

Kristjan Vilhelmsson útgerðarstjóri Samherja staðfestir þetta í samtalið við Fréttablaðið, sem greinir frá þessu og segir hann að ástæðuna megi rekja til nauðsynlegra breytinga á skipinu. „Nú standa fyrir breytingar á skipinu þannig það þarf að stoppa það í töluverðan tíma á meðan,“ segir Kristjan, en skipið, sem hefur verið gert út sem netabæatur í tvö ár, var upphaflega byggt sem línuveiðiskip. „Þetta eru ýmsar breytingar, lagfæringar og viðgerðir til að þess að bæta í vinnslu og annað slíkt. Þetta er viðhald sem kemur alltaf á gömul skip.“

Í Fréttablaðinu er greint frá því að skipið hafi áður heitið Carisma Star. Var það smíðað í Noregi 2001, en fór í yfirhalningu árið 2008. Samherji gekk frá kaupum á skipiu árið 2013 og var heiti þess þá breytt í Anna EA. Skipið er í eigu fjárfestingafélagsins Sæbóls sem á og rekur útgerðafélagið Samherja.

Ekki missa af þessum

Annað áhugavert efni

Nýjast á Mannlíf.is

Nýjast á Gestgjafanum