Föstudagur 19. ágúst, 2022
9.8 C
Reykjavik

Segir ASÍ hafa reynt með bakdyraleiðum að fá í gegn „ógeðslegt“ módel

Helgarviðtalið

- Auglýsing -

Orðrómur

- Auglýsing -

Sólveig Anna Jónsdóttir, formaður Eflingar, segir að ASÍ hafi með bakdyraleiðum reynt að ýta undir innleiðingu svokallaðrar „Grænbókar“. Sólveig segir að ef það hefði tekist þá gæti ríkisstjórnin afnumið samningsrétt verkafólks. Þessi „grænbók“ fjallaði um innleiðingu „norræns vinnumarkaðsmódels.“ á Íslandi.

„Íslenska auðstéttin og ríkisvaldið hafa barist af miklum móð síðustu áratugi fyrir innleiðingu svokallaðs „norræns vinnumarkaðsmódels“. Í því verkefni hafa þau notið stuðnings heildarsamtaka launafólks, meðal annars Alþýðusambands Íslands,“ segir Sólveig og heldur áfram:

„Í gær fengum við að sjá þetta norræna vinnumarkaðsmódel í allri sinni dýrð, en þá bannaði norska ríkisstjórnin einfaldlega verkfallsaðgerðir verkafólks í olíubransanum. Krafa þeirra var sú að laun þeirra héldu í við verðbólgu. Sérstaklega áhugavert að forsvarsmanneskja þessarar ákvörðunar er Marte Persen, ráðherra vinnumarkaðar og „inkludering“, sem kemur úr sjálfum norska Verkamannaflokknum.“

Sólveig segir að Efling hafi komið í veg fyrir að þetta módel væri við lýði hér. „Ef ekki hefði verið fyrir andstöðu Eflingarfélaga vorið 2021 hefði Alþýðusamband Íslands látið stíga stórt skref í átt að innleiðingu þessa módels, í líki svokallaðrar „Grænbókar“.Í þessu svokallaða vinnumarkaðsmódeli geta ríkisstjórnir með einu pennastriki afnumið samningsrétt verkafólks gagnvart sínum atvinnurekendum um kjör,“ segir Sólveig.

„Þetta „módel“ er ekkert annað en ógeðslegt ofbeldi og gerræði gegn mikilvægasta rétti vinnandi fólks. Það er óskiljanleg skömm að Alþýðusamband Íslands hafi reynt með bakdyraleiðum að ýta innleiðingu þess áfram. En það er þó staðreynd sem engin getur neitað.“

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.
Fullum trúnaði er heitið.

Deila

Nýtt í dag

Mest lesið í vikunni

Í fréttum er þetta helst...

- Auglýsing -