- Auglýsing -
Gunnar Smári Egilsson, Sósíalistaforingi sakar Morgunblaðið um lygar.
Í nýrri færslu segir Gunnar Smári frá könnun sem Maskína gerði þar sem fylgi stjórnmálaflokka er skoðað. Maskína sagði enga breytingu á fylgi Sósíalistaflokks Íslands milli mánaða en Morgunblaðið segir 1,5% lækkun að sjá hjá flokknum. Það kallar Gunnar Smári lygar:
„Maskína gerir könnun og skrifar um Sósíalista: Fylgi Sósíalista í ágústmánuði var rúmlega 7% og hafði aðeins einu sinni mælst svo hátt, en er nú í september með tæplega 7%, sem er nær engin breyting.
Mogginn tekur þessa könnun og skrifar: Sósíalistar missa aftur á móti 1,5 prósentustig
Hvor lýgur? Auðvitað Mogginn, sem er kenndur við lygar.
Sósíalistar mældust með 7,3% í ágúst og 6,8% í september, þetta er engin breyting eins og Maskína veit, er innan skekkjumarka.
Einu sinni gat Mogginn sagt fréttir innan um sturlaðar skoðanagreinar sínar. Sú tíð er liðin. Mogginn getur ekki sagt einföldustu fréttir án þess að ljúga og fela.“