Föstudagur 12. apríl, 2024
1.1 C
Reykjavik

Segir Samfylkinguna taka upp stefnu Miðflokksins: „Það er engin rök fyrir þeirri þvælu“

VefTv

- Auglýsing -

Hlaðvörp

- Auglýsing -

„Hér er fjöldi umsókna um alþjóðlega vernd eftir mánuðum, miðað við umsóknir síðustu níu mánuðina á undan. Toppurinn er í maí í fyrra, en eftir það hefur fjöldinn dregist hratt saman. Þetta heyrist ekki í umræðunni fyrir gaspri í þeim sem ekkert vita og ekkert vilja vita, þeim sem lýsa yfir stjórnleysi á landamærunum og vilja láta fólk fá á tilfinninguna að Ísland sé að verða undir einhverri holskeflu hælisleitenda.“ Þannig hefst Facebook-færsla Gunnars Smára Egilssonar, Sósíalistaforingja sem hann birti í gær.

Í færslu Gunnars Smára birtir hann graf sem sýnir hvað fjöldi umsókna um alþjóðlega vernd hér á landi, hefur snarfækkað undanfarið.

Gunnar smári heldur áfram: „Ástæða þess að hingað sóttu fleiri um hæli 2022-23 var annars vegar boð Sjálfstæðisflokksins til allra íbúa Venesúela um fjögurra ára dvalarleyfi og hins vegar boð ríkisstjórnar Íslands til allra í Úkraínu um tveggja ára dvalarleyfi, sem nú hefur verið framlengt um eitt ár.“

Segir Sósíalistaforingin ekkert til í því að fólk sé dregið hingað í stórum stíl.

„Það er engin rök fyrir þeirri þvælu sem veður uppi um að einhverjar sérreglur íslenskar dragi fólk hingað í stórum hópum. Engin gögn sem styðja þann málflutning. Samt veður þessi della uppi.“

- Auglýsing -

Í lokaorðum sínum skýtur Gunnar Smári föstum skotum á Samfylkinguna sem hann segir hafa nýlega tekið upp stefnu Miðflokksins í málefnum innflytjenda.

„Og fékk nýja forystu Samfylkingarinnar til að leggja frá sér stefnu flokksins í málefnum innflytjenda og taka upp stefnu Miðflokksins. Það má segja að þar hafi óreynd forysta keyrt út af í fyrstu beygju. Og sýnt að henni er ekki treystandi. Við þurfum stjórnmálaafl sem hleypur ekki eftir kröfum hægrisins í hvert sinn sem það geltir. Forystu þorir og þolir að standa gegn þvælunni sem gusast yfir okkur frá hægri.“

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.

Fullum trúnaði er heitið.

Deila

Nýtt í dag

Mest lesið í vikunni

Raddir

Í fréttum er þetta helst...

- Auglýsing -