Lenya Rún Taha Karim, varaþingmaður Pírata hneikslast á ríkisstjórninni í nýrri Twitter-færslu, vegna tregðu hennar við að ráðast í aðgerðir gegn hatursorðræðu.
Í færslunni segir hún að aðgerðir gegn hatursorðræðu sé álíka ágreiningsmál innan stjórnarinnar og forvirkar rannsóknarheimildir lögreglu og að því hafi þurft að fresta afgreiðslu þingsályktunartillögu um málið, fram á haust en hún segir Sjálfstæðisflokkinn helst hafa komið í veg fyrir að málið yrði afgreitt. Segist Lenya vera „buguð og þreytt útaf öllu sem hefur gengið á“ en segist hún hafa litað hárið á sér ljóst, til að líta meira út eins og íslendingur en hún hefur mátt þola gríðarlega mikinn rasisma í samfélagsumræðunni, þá sérstaklega í athugasemdum við fréttum af henni. Færsluna má lesa í heild sinni hér að neðan:
„Pælið í því að aðgerðir gegn hatursorðræðu sé jafn mikið ágreiningsmál innan ríkisstjórnarinnar og forvirkar ranns.heimildir lögreglu og bókun 35 að það þurfti að fresta afgreiðslu málsins fram á haust. Það virðist vera ómögulegt fyrir þessa ríkisstjórn að standa með mannréttindum. Katrín skipaði mig í starfshópinn eftir að fréttamiðill þurfti að taka út frétt af mér vegna yfirgengilegs rasisma. Ég er orðin fkn ljóshærð því ég vil líta út fyrir að vera íslensk. Ég er buguð og þreytt útaf öllu sem hefur gengið á og XD,VG&B geta ekki samþykkt TILLÖGU um þetta. Eftir bakslagið sem er búið að eiga sér stað í hinsegin samfélaginu þá tekur þessi tillaga aðallega á því, ekkert talað um rasisma í fjármálaáætlun t.d sem er allt í góðu eins lengi og þau geri eh.Þetta er bitlaus þál.t., snýst bara um að stjornvöld sýni að þeim sé ekki fokk sama. já nei hér drögum við línuna, að skerða rétt fólks til að tjá sig á ólöglegan hátt sem varðar við HEGNINGARLÖGIN er aðför að tjáningarfrelsi lýðræði. Ég er ekki að biðja um mikið, ég er að biðja um að þessi glataða ríkisstjórn standi í lappirnar gegn hatursorðræðu. Ég var í starfshópnum sem skrifaði þingsályktunartillöguna og hún átti að vera afgreidd í vor, ef einhver kom í veg fyrir afgreiðslu málsins var það XD.“