2019 | Birtingur útgáfufélag ehf | k.t. 620867-0129 | VSK.nr 11788 | Síðumúla 28 | Allur réttur áskilinn. Notkun á efni miðilsins er óheimil án samþykkis.

Segja Ísland vera hinn fullkomna áfangastað fjarri veirunni

Ísland er hinn fullkomni ferðamannastaður fjarri krórónaveirunni. Þetta segir í grein á vef Bloomberg. Þar segir að sýni úr nefholi sé lítil fórn að færa í skiptum fyrir að heimsækja Ísland. Þar er vísað í áætlun íslenskra stjórnvalda að leyfa ferðamönnum að koma til landsins í sumar svo lengi sem þeir fallist á að fara í COVID-19 próf á Keflavíkurflugvelli.

Í grein Bloomberg segir að smátt og smátt sé líf að færast á ferðamannastaði víða um heim en að margir þeirra séu ekki sérlega aðlaðandi í ljósi veirufaraldursins. Í grein Bloomberg er þá fjallað um kosti Íslands í ljósi ástandsins í heiminum og er landið sagt hinn fullkomni áningarstaður fyrir þá sem vilja forðast kórónaveiruna sem veldur COVID-19.

Í greininni segir að íslensk heilbrigðisyfirvöld hafi verið vel undirbúin undir veirufaraldur og að landsmenn hafi fylgt áætlun yfirvalda þannig að nú sé faraldurinn í rénun á Íslandi.

Fjallað er um áætlun stjórnvalda um að hleypa ferðamönnum til landsins fari þeir í skimun við komu til landsins og sömuleiðis fallist á að nota Rakning C 19 smáforritið á meðan á heimsókn þeirra stendur. Í greininni segir að í skiptum fyrir þetta smáræði fái ferðamenn að njóta lands þar sem víðátta er mikil og auðvelt sé að forðast mannmergð.

Lestu meira

Annað áhugavert efni

Nýjast á Mannlíf.is

Nýjast á Gestgjafanum