- Auglýsing -
„Sex starfsmenn með tvö tré, fjórir starfsmenn með 20 börn. Hvar er villan?“ Að þessu spyr leikskólaliðinn Sigrún Björnsdóttir á samfélagsmiðlum í dag.
Sigrún birtir þá tvær myndir sem hún tók í dag. Önnur myndin sýnir sex starfsmenn Reykjavíkurborgar gróðursetja tvö tré. Hin myndin sýnir starfsmenn leikskóla með hóp leikskólabarna.
Sigrún segir að með færslunni vilji hún vekja athygli á álaginu sem starfsmenn leikskóla eru gjarnan undir og undirmönnun sem oft einkennir starfið á leikskóla. „Ábyrgðin sem fylgir börnunum er töluvert meiri,“ bætir Sigrún við.
Færslu Sigrúnar má sjá hér fyrir neðan.