Tvær þingkonur hafa síðastliðinn sólarhring átt í nokkuð furðulegri ritdeilu á internetinu. Það eru þær Sigríður Andersen, þingkona Sjálfstæðisflokksins, og Þórhildur Sunna Ævarsdóttir í Pírötum. Sigríður átti tvímælalaust frumkvæðið að þessum deilum en þær hófust með skjáskoti sem hún birti á Twitter.
Ekki leið að löngu þar til Sigríður lét Þórhildi hafa það óþvegið og fullyrti að hún hefði meiri áhuga á að fara til útlanda í boði skattgreiðenda, en að sinna vinnu sinni og sitja á Alþingi. Hvort sem það sé sanngjarnt eða ekki þá hefur það loðað við Pírata að þeir fari áberandi oftar til útlanda á vegum Alþingis. Fæstir gera svo ráð fyrir öðru en þetta séu hálfgerðar skemmtiferðir.
Sigríður virðist vísa til þess orðspors. Í það minnsta telur hún duga að birta skjáskot af dagskrá Alþingi en þar mátti sjá í hvaða landi Þórhildur Sunna var þann daginn. en hér fyrir neðan má sjá skjáskotið sem Sigríður deildi fyrst. Þar mátti sjá dagskrá Alþingis í fyrradag og að þá væri Þórhildur Sunna í París, til að ræða gervigreind. Ætla má að Sigríði hafi ekki þótt þetta aðkallandi fundur. En Þórhildur Sunna tók þessu heldur illa, birti skjáskot af skjáskoti Sigríðar, og skrifaði: „Hvað ertu gömul Sigga?“
Þetta varð til þess að Sigríður útskýrði mál sitt: „Ég er 50 ára en læt samt enn koma mér á óvart hversu mjög kjörnir fulltrúar eru áfjáðir í að vera frekar erlendis en á landinu sem þeir voru valdir til að sinna. Allt verður þeim tilefni til utanfarar á kostnað skattgreiðenda. Allt.“
Þórhildur bar fyrir sig að þetta væri í boði ESB en ekki landsmanna. Sigríður féllst ekki á það og skrifaði: „Íslenskir skattgreiðendur láta 65 milljónir renna til Evrópuráðsins ár hvert. Skattgreiðendur annarra Evrópuráðsríkja greiða það sem upp á vantar.“
Ég er 50 ára en læt samt enn koma mér á óvart hversu mjög kjörnir fulltrúar eru áfjáðir í að vera frekar erlendis en á landinu sem þeir voru valdir til að sinna. Allt verður þeim tilefni til utanfarar á kostnað skattgreiðenda. Allt. https://t.co/WGaFbe2IZu
— Sigríður Á. Andersen (@siggaandersen) November 8, 2022