Sigurður Ingi Jóhannsson, innviðaráðherra og formaður Framsóknarflokksins, hefur verið kærður fyrir brot á siðareglum Alþingis vegna ummæla sem hann lét falla í gleðskap í tengslum við Búnaðarþing. Kæran hefur verið lögð fyrir forsætisnefnd Alþingis. Birgir Ármannsson, forseti Alþingis og forsætisnefndar, staðfestir þetta við fréttastofu RÚV.
Enn hefur ekki komið fram hver það var sem lagði fram kæruna á hendur Sigurði Inga. Hún snýr að ummælum sem hann lét falla um Vigdísi Häsler, framkvæmdastjóra Bændasamtakanna, í gleðskap sem haldinn var í tengslum við Búnaðarþing.
Ekki hefur enn fengist staðfest hver ummælin voru nákvæmlega. Heimildir herma að þau hafi verið af rasískum toga og snúist um húðlit Vigdísar. Sigurður Ingi hafi vísar til hennar sem „þeirrar svörtu“. Þau hafa síðan þá náð sáttum, samkvæmt Vigdísi. Hún sagði þau hafa átt hreinskilið og gott samtal og málinu væri þar með lokið af hennar hálfu.