2019 | Birtingur útgáfufélag ehf | k.t. 620867-0129 | VSK.nr 11788 | Síðumúla 28 | Allur réttur áskilinn. Notkun á efni miðilsins er óheimil án samþykkis.

Simmi nýr eigandi Hlöllabáta: „Skiptir miklu máli að það sé saga og sál í verkefnum“

Athafnamaðurinn Sigmar Vilhjálmsson hefur keypt hlut í Hlöllabátum og segir hann að fjárfesting hans í fyrirtækinu sé fyrsta skref af nokkrum í þeirri framtíðarsýn sem hann hefur fyrir félagið.

 

„Fyrir mér skiptir miklu máli að það sé saga og sál í verkefnum,“ segir Simmi í Facebook-færslu og bendir á að Hlöllabátar hafa verið til síðan 1986 og því fylgt landanum í 33 ár.

„Gæði, hraði og gott verð hafa einkennt staðina og mun mín aðkoma ekki breyta neinu í þeim efnum,“ segir hann og bætir við að hann sjái tækifæri til að efla starfsemi félagsins rekstrarlega, markaðslega og sóknarlega.

Að lokum slær Simmi á létta strengi og segir kaupin ekkert hafa með bátastríð að gera þó að frétt Fréttablaðsins í dag hafa ratað undir auglýsingu frá Subway, en eins og þekkt er af fréttum hafa Simmi og Skúli Gunnar Sigfússon aðaleigandi Subway átt í deilum um lóðarréttindi á Hvolsvelli og og verður dómur í málinu kveðinn upp í Lands­rétti í fyrra­málið.

AUGLÝSING


Ekki missa af þessum

Annað áhugavert efni

Nýjast á Mannlíf.is

Nýjast á Gestgjafanum