Þriðjudagur 19. mars, 2024
0.8 C
Reykjavik

Skákmenn sýna Hrafni þakklæti sitt á ögurstundu hans: „Við erum ein fjölskylda!“

VefTv

- Auglýsing -

Hlaðvörp

- Auglýsing -

„Hrafn hefur lengi verið sem heil stofnun góðgerðar- og þjóðþrifamála. Skákmenn eru vel meðvitaðir um hans stóra þátt og eru honum þakklátir. Vonandi skilar það sér í fjárstuðningi við Hrafn sem hefur lengi bókstaflega lapið dauðann úr skel.“

Þetta segir Árni H. Kristjánsson í samtali við Mannlíf en hann heldur utan um söfnun sem skákmenn hafa komið á fót fyrir Hrafn Jökulsson, rithöfund, baráttumann og skákfrömuð. Hann berst nú fyrir lífi sínu en hann greindist nýverið með krabbamein á lokastigi. Batalíkur eru hverfandi en Hrafn hefur þó lýst því yfir að hann muni berjast fram í rauðan dauðann.

Skákmenn vita mikilvægi einbeitingar og ef menn tefla við dauðann sjálfan þá má ekkert þvælast fyrir. Peningaáhyggjur bæta ekki úr skák. Innan Facebook-hóps skákmanna á Íslandi skrifar Árni: „Kæru skákmenn! Sem kunnugt er þá er félagi okkar Hrafn Jökulsson að glíma við mjög alvarleg veikindi. Hann hefur lengi verið þjónn skákgyðjunnar og lyft grettistökum á þeim vettvangi. Hrafn hefur um langa hríð búið við þröngan kost og útgjöld vegna veikindanna hafa þrengt hann enn frekar. Við getum létt undir með Hrafni með því styrkja hann og þar gerir margt smátt eitt stórt.“

Árni segir allmarga skákmenn hafa svarað kallinu nú þegar og lagt sitt að mörkum. Hér fyrir neðan má finna bankaupplýsingar Hrafns fyrir þá sem vilja senda honum baráttukveðjur.

Hrafn Jökulsson kt. 011165-3709, reikningsnúmer 1161-05-400511.

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.

Fullum trúnaði er heitið.

Deila

Nýtt í dag

Mest lesið í vikunni

Raddir

Í fréttum er þetta helst...

- Auglýsing -