Það hefur líklega ekki farið fram hjá mörgum að ríkið seldi hlut í Íslandsbanka á útboði til hinna ýmsu fjárfesta á dögunum. Í ljós hefur komið að fjárfestar gátu keypt hluta í bankanum á nokkurs konar afsláttarverði. Þetta hefur verið gagnrýnt harðlega, sem og nöfn sumra fjárfesta á listanum. Þar má til að mynda finna föður fjármálaráðherra.
Einn fjárfestirinn, Jakob Valgeir Flosason, hefur gagnrýnt það lága verð sem ríkið seldi hlut sinn á. „Að mínu mati hefði ríkið átt að selja til fárra en öflugra kjölfestufjárfesta, eins og talað var um í upphafi. Það var ekki gert.“ Jakob segist telja að þjóðin hefði fengið meira fyrir sinn snúð ef nokkrir öflugir fjárfestar hefðu komið inn og ríkið selt á genginu 122.
En hvað finnst lesendum? Er eitthvað athugavert við framkvæmdina á sölu ríkisins á hlut í Íslandsbanka? Hér fyrir neðan má segja sína skoðun.