Þriðjudagur 4. október, 2022
8.8 C
Reykjavik

Skotmaðurinn fór á geðdeild eftir að hann sat fyrir hjónunum: „Hann var ósköp venjulegur drengur“

Helgarviðtalið

- Auglýsing -

Orðrómur

- Auglýsing -

„Manni hefði aldrei dottið í hug að hann myndi gera nokkuð svona. Hann var ósköp venjulegur drengur.“

Þetta segir íbúi á Blönduósi í samtali við Mannlíf. Þar eru fólk harmi lostið yfir skotárásinni í morgun sem skyldi eftir tvo látna og þann þriðja illa særðan.

Samkvæmt heimildum Mannlífs réðst árásarmaðurinn, sem var tæplega fertugur, inn á heimili hjóna í bænum. Maðurinn taldi sig eiga eitthvað sökótt við þau, en þau eru atvinnurekendur í bænum. Skotmaðurinn starfaði hjá þeim um hríð.

Árásarmaðurinn var virkur og verðlaunaður skotveiðimaður. Afleiðingar árásarinnar eru þær að konan lést af völdum skotsárs en eiginmaður hennar er lífshættulega særður. Árásarmaðurinn er látinn en ekki liggur fyrir hvort það hafi verið af eigin völdum. Tveir menn eru í haldi lögreglunnar vegna málsins.

Fyrr í morgun var greint frá því að lögreglan hafði fyrr í sumar afskipti af árásarmanninum. Heimildir Mannlífs á Blönduósi herma að þá hafi nágrannar látið vita að hann væri á ferli fyrir utan hús hjónana með skotvopn. Afleiðingar þess voru að hann var settur inn á geðdeild en sleppt fljótlega, með þeim hræðilegu afleiðingum sem nú blasa við.

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.
Fullum trúnaði er heitið.

Deila

Nýtt í dag

Mest lesið í vikunni

Í fréttum er þetta helst...

- Auglýsing -