2019 | Birtingur útgáfufélag ehf | k.t. 620867-0129 | VSK.nr 11788 | Síðumúla 28 | Allur réttur áskilinn. Notkun á efni miðilsins er óheimil án samþykkis.

Slasaðist við að sækja jólaskrautið

Karlmaður slasaðist í heimahúsi í Árbæ á sjötta tímanum í gær. Maðurinn datt ofan af millilofti í bílskúr þegar hann var þar uppi að sækja jólaskraut. Hann var mikið kvalinn og var fluttur með sjúkrabifreið á slysadeild Landspítalans. Kemur þetta fram í tilkynningu lögreglunnar á höfuðborgarsvæðinu eftir kvöld- og næturvaktina.

Á áttunda tímanum var tilkynnt um innbrot í iðnaðarhúsnæði í Garðabæ. Þar hafði verið stolið verkfærum að verðmæti fjögurra til fimm milljóna króna.

Á tíunda tímanum var maður handtekinn grunaður um þjófnað úr verslun í Kópavogi. Maðurinn var með fjögur kjötstykki að verðmæti rúmlega 33 þúsund krónur á sér. Hann var látinn laus að skýrslutöku lokinni.

Sex ökumenn voru stöðvaðir við akstur, ýmist grunaðir um akstur undir áhrifum áfengis og fíkniefna, eða bæði. Fjórir ökumannanna reyndust einnig án ökuréttinda og tveir þeirra eru grunaðir um að hafa verið með fíkniefni í fórum sínum.

Lestu meira

Annað áhugavert efni

Nýjast á Mannlíf.is

Nýjast á Gestgjafanum