2019 | Birtingur útgáfufélag ehf | k.t. 620867-0129 | VSK.nr 11788 | Síðumúla 28 | Allur réttur áskilinn. Notkun á efni miðilsins er óheimil án samþykkis.

Snjóflóð við Flateyri og Suðureyri – Björgunarsveitir kallaðar út

Þrjú snjóflóð féllu við Flateyri og Suðureyri undir miðnætti í kvöld. Snjóflóðið á Suðureyri féll í hlíðinni á móts við Suðureyri og orsakaði flóðbylgju. Snjóflóðið við Flateyri var það kröftugt að flóðbylgja myndaðist og bátar við höfnina slitnuðu frá.

Rögnvaldur Ólafsson, aðstoðaryfirlögregluþjónn hjá almannavarnadeild ríkislögreglustóra staðfestir við Vísi að búið sé að virkja viðbragðsaðila á svæðinu til að meta ástandið.

Samhæfingarmiðstöð almannavarna í Skógarhlíð hefur verið virkjuð vegna flóðanna og Davíð Már Bjarnason, upplýsingarfulltrúi Slysavarnafélagsins Landsbjargar staðfestir að búið sé að boða út björgunarsveitir.

Samkvæmt Stundinni heyrðust drunur um alla Flateyri þegar flóðið þar féll og talið er hugsanlegt snjóflóðavarnir hafi stýrt flóðinu frá byggðinni. Samkvæmt heimildum Stundarinnar féll annað snjóflóð á snjóflóðavarnagarðinn ofan við bæinn og er mikill viðbúnaður þar og fólk hópast að.

AUGLÝSING


Í fyrstu var talið að snjóflóðið hefðu verið tvö, en þau voru þrjú, eitt við Suðureyri og tvö við Flateyri.

Lestu meira

Annað áhugavert efni

Nýjast á Mannlíf.is

Nýjast á Gestgjafanum