„Í stað þess að bretta upp ermar þá draga þau svör og krefjast þess að láta óratíma líða milli funda, sem er ábyrgðarleysi og vanvirða.“ Þetta segir Sólveig Anna Jónsdóttir, formaður Eflingar, í yfirlýsingu sem hún hefur sent frá sér þar sem hún gagnrýnir harðlega vinnubrögð Sambands íslenskra sveitarfélaga í kjaraviðræðum við félagið.
Sólveig Anna bendir á í yfirlysingunni að þegar sé búið sé að semja við borgina og ríkið fyrir sambærilega hópa og Því liggi ljóst fyrir á hvaða forsendum sé hægt að loka samningi við sveitarfélögin.
Eins og kunnugt er hefur verkall í kringum 300 félagsmanna Eflingar sem starfa hjá Seltjarnarnesbæ, Mosfellsbæ, Ölfusi, Hveragerðisbæ og Kópavogi staðið yfir frá því á mánudag. Hafa áhrifin verið mest í Kópavogi vegna lokana í grunnskólum.