Miðvikudagur 10. ágúst, 2022
9.8 C
Reykjavik

Spá því að verðbólgan nái hámarki í 9,5 prósentum í ágúst en lækki aftur

Helgarviðtalið

- Auglýsing -

Orðrómur

- Auglýsing -

Hagsjá Landsbankans spáir því að verðbólgan í júlí verði 9,2% og nái hámarki í ágúst, eða 9,5%, áður en hún fari aftur að lækka aftur. Telur hún jafnframt að matur og drykkjarvara, reiknuð húsaleiga, fatnaður og fargjöld til útlanda séu helstu áhrifavaldar verðbólgunnar.

Matarkarfan

Hagfræðideild Landsbankans segir væntanlega hækkun á matar og drykkjavöru vera 0,7% á milli mánaða í júlí. Matarkarfan hefur hækkað töluvert en þó minna en fyrri spár gerðu ráð fyrir, en heldur deildin að að miklar verðhækkanir erlendis eigi eftir að skila sér hingað heim. Hér á landi finnist vel fyrir eftirspurnarþrýstingi sem útskýra megi meðal annars vegna erlendra ferðamanna.

Reiknuð húsaleiga

Vísitala íbúðarverðs á höfuðborgarsvæðinum hækkaði um 3% milli mánaða í maí. Vísitala markaðsverðs hækkaði um 3,2%, en Hagstofan notar hana á reiknaðri húsaleigu. Þær breytingar á vöxtum og lántöku sem hafa orðið á síðustu misserum eiga enn eftir að koma fram. Hagsjáin spáir að reiknuð húsaleiga eigi eftir að hækka um 2,1% á milli mánaða í júlí.

Sumarútsölur

- Auglýsing -

Verðbólgumælingar í júlí eru öllu jafna litaðar af sumarútsölum á fatnaði og skóm. Spáir því deilidin að 8% lækkun verði á fötum og skóm en sú lækkun gangi síðan til baka í ágúst og september.

Flugfargjöld  

Talsverðri hækkunar er spáð í flugfargjöldum vegna eldneytiskostnaðar og aukinnar eftirspurnar. Spáir deildin 8,3% hækkunar á milli mánaða í júli.

- Auglýsing -

Væntingaspá

Að lokum er vísað í niðurstöður væntingakönnunar Seðlabankans sem framkvæmd var í maí og júní. „Miðgildi væntinga heimila til verðbólgu næstu 12 mánuði hefur hækkað um 4 prósentustig á undanförnu ári og er núna 8%. Miðgildi væntinga stærstu fyrirtækja hefur hækkað um 2,5 prósentustig á síðustu 12 mánuðum og er núna 6%. Þetta gefur ekki góð fyrirheit um hjöðnun verðbólgu, en væntingar fyrirtækja um háa verðbólgu geta hæglega orðið sjálfuppfyllandi spádómur, þ.e. ef stjórnendur fyrirtækja eiga von á hækkandi verðlagi gætu viðbrögð þeirra einfaldlega verið að hækka eigin verð.“

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.
Fullum trúnaði er heitið.

Deila

Nýtt í dag

Mest lesið í vikunni

Í fréttum er þetta helst...

- Auglýsing -