2019 | Birtingur útgáfufélag ehf | k.t. 620867-0129 | VSK.nr 11788 | Síðumúla 28 | Allur réttur áskilinn. Notkun á efni miðilsins er óheimil án samþykkis.

Starfsmaður HSA smitaður og 14 samstarfsmenn í sóttkví

Fjórtán starfsmenn Heilbrigðisstofnunar Austurlands (HSA) eru nú í sóttkví eftir að einn starfsmaður HSA greindist með COVID-19 í gær. Þessu er greint frá á austurfrett.is.

Þar er haft eftir Guðjóni Haukssyni, forstjóra stofnunarinnar, að stofnunin sé vel undirbúin og að öryggi sjúklinga sé tryggt.

Smitrakningarteymi hefur verið að störfum síðan smitið kom upp og segir Guðjón þeirri vinnu miða vel áfram. Alls eru 17 einstaklingar í sóttkví vegna smitsins, þar af eru 14 sem vinna á HSA.

„Sumir geta unnið heima og gera það. Við fylgjumst með hvort einkenni koma fram hjá þeim og bregðumst við ef þarf,“ segir Guðjón í samtali við Austurfrétt.

Lestu meira

Annað áhugavert efni

Nýjast á Mannlíf.is

Nýjast á Gestgjafanum