2019 | Birtingur útgáfufélag ehf | k.t. 620867-0129 | VSK.nr 11788 | Síðumúla 28 | Allur réttur áskilinn. Notkun á efni miðilsins er óheimil án samþykkis.

Stefán Óli húðskammar Stefán Einar: „Á dauða mínum átti ég von“

„Mbl.is er að dæla út fréttum í miðri vinnustöðvun og grafa þannig undan kjarabaráttu samstarfsmanna sinna? Hafa blaðamennirnir sem skrifa fréttirnar ekki manndóm til að setja nafnið sitt við þær? Á dauða mínum átti ég von,”

Segir Stefán Óli Jónsson, blaðamaður á Vísi í færslu á Twitter.


Vísar Stefán Óli þar til meintra verkfallsbrota blaðamanna á Mbl.is. Blaðamannafélag Íslands hefur stefnt Árvakri, útgefanda Morgunblaðsins, mbl.is og K100, fyrir félagsdóm og verður þingfesting þriðjudaginn 19. nóvember. Í stefnunni er þess krafist að Árvakur verði dæmdur ti greiðslu sektar í ríkissjóð. Í stefnu BÍ eru níu blaðamenn nefndir á nafn og hvaða fréttir birtust í þeirra nafni á meðan á vinnustöðvun stóð föstudaginn 8. nóvember milli kl. 10 og 14.

„Það er samt ógeðslega kúl að fyrrverandi formaður VR, verkalýðsforinginn og siðfræðingurinn hann nafni minn sem er með c.a. tvöföld laun venjulegs blaðamanns, sé sagður fremstur í flokki verkfallsbrjóta. Ljóðrænt,” segir Stefán Óli og vísar þar til nafna síns, Stefáns Einars.

AUGLÝSING



Ekki stendur á svari frá Stefáni Einari: „Það er vont ef fréttaflutningur þinn byggir á því sem sagt er en ekki skeytt um staðreyndir mála. Svo er það sérstakt rannsóknarefni ef ég er á tvöföldum launum blaðamanna. Ekki hef ég fengið að njóta þeirra ef satt reynist.”

„Þú verður að eiga það sem fram kemur í kæru BÍ við BÍ og Fréttablaðið (en ég starfa ekki þar). Samkvæmt Tekjublaðinu varstu með 866 þúsund á mánuði í fyrra, sem er nú ca. tvöföld launin mín og samstarfsmanna minna á gólfinu,” segir Stefán Óli.

Sjá einnig: Stefán Einar: „Hjálmar Jónsson er bara enginn verkstjóri yfir mér“

Ekki missa af þessum

Annað áhugavert efni

Nýjast á Mannlíf.is

Nýjast á Gestgjafanum