Vatnsfyrirtækið Icelandic Glacial verður styrktaraðili Golden Globe-hátíðarinnar. Þetta kemur fram í tilkynningu á vef Icelandic Glacial.
Þar segir að stjörnurnar á Golden Globe munu sötra á Icelandic Glacial-vatni á hátíðinni sem verður haldin í 77. sinn í janúar.
Gestir hátíðarinnar munu fá Icelandic Glacial-vatn um leið og þeir mæta á rauða dregilinn og þá verða glerflöskur frá fyrirtækinu á öllum borðum í salnum á meðan á hátíðinni stendur er fram kemur í tilkynningunni.
Þess má geta að vatnsframleiðandinn Fiji var styrktaraðili á Golden Globe í fyrra. Aðferðir Fiji til að kynna vatnið á hátíðinni voru umdeildar.
Kynningin snerist um að leikkona að nafni Kelleth Cutbert kom sér fyrir í bakgrunni ótal mynda sem teknar voru af fræga fólkinu á rauða dreglinum á Golden Globe.
Sjá einnig: Jamie Lee Curtis óánægð með kynningaraðferðina