Það er ljóst að Ármann Jakobsson, prófessor í íslenskum bókmenntum fyrri alda við Háskóla Íslands, er nokkuð stoltur af yngri systur sinni, Katrínu Jakobsdóttur forsætisráðherra.
Það má segja að Katrín hafi byrjað stjórnmálaferil sinn þökk sé þeim tvíburabræðrum, Ármani og Jakobi, en þeir voru virkir í Vinstri grænum á undan henni og drógu hana hálfpartinn í flokkinn.
Á Twitter tilkynnir Ármann að í dag hafi Katrín slegið met Tryggva Þórhallssonar frá árinu 1932. Hún hefur nú verið lengst forsætisráðherra allra vinstrimanna, eða fimm ár. Ármann skrifar:
„Tryggvi Þórhallsson var forsætisráðherra Íslands 1927-1932 en í dag hefur mín eigin systir verið lengur í því starfi, lengst allra vinstrimanna.“
Rétt er að geta þess að Tryggvi var Framsóknarmaður og bankastjóri Búnaðabankans um áratugaskeið. Margir myndu því segja að hann hafi varla verið vinstrimaður. En það segja líka margir um Katrínu.