Tuttugu starfsmönnum var sagt upp hjá Sýn í dag, Fréttablaðið greindi frá.
Arnar Björnsson, einn reyndasti íþróttafréttamaður landsins, er einn þeirra, en hann staðfestir uppsögnina í viðtali við DV. Arnar hóf störf hjá Sýn árið 1997, þar áður starfaði hann um árabíl hjá RÚV.
Mynd / Facebook
„Ég hef miklu meiri samúð með mörgu öðru fólki en sjálfum mér,“ segir hann í viðtalinu við DV, og segist þegar farinn að horfa sáttur til baka á ferilinn, nokkrum augnablikum eftir að honum var sagt upp störfum.
„Þetta er í fyrsta sinn sem ég upplifi þetta og það er auðvitað bara merkilegt að gera það á þessum tímum. Ég hef það bara fínt og líður vel. Sakna auðvitað margra góða samverkamanna,“ segir Arnar.
Samkvæmt heimildum Fréttablaðsins munu einhverjir starfsmenn þurfa að taka á sig launaskerðingu.
Heiðar Guðjónsson forstjóri Sýnar staðfestir við DV að 20 manns var sagt upp en engum almennum fréttamanni. Uppsagnirnar náðu til starfsfólks á auglýsingadeild og íþróttadeild, sem og tæknifólks og dagskrárgerðarmanna.