Sýni reyndist neikvætt og enginn í einangrun á Ísafirði

Fyrr í dag greindi Heilbrigðisstofnun Vestfjarða frá því að fimm einstaklingar væru í sóttkví og einn í einangrun vegna mögulegrar COVID-19-sýkingar á Ísafirði.

Stofnunin hefur nú tilkynnt að sýni sem voru tekin vegna gruns um smit leiddu í ljós að ekki var um COVID-19-sýkingu að ræða. Sá sem var í einangrunn er því kominn úr einangrun og í sóttkví.

Alls eru sex manns á Ísaf­irði nú í sótt­kví en sóttkví er varúðarráðstöfun fyrir einkennalausa einstaklinga sem hafa verið á ferðalögum á skilgreindum áhættusvæðum.