Fimmtudagur 28. mars, 2024
-2.2 C
Reykjavik

Tannlækningar barna: „Miklu ódýrara og auðveldara að sinna forvörnum, heldur en að slökkva elda“

VefTv

- Auglýsing -

Hlaðvörp

- Auglýsing -

Blaðamaður Mannlífs ræddi við Gísla Einar Árnason, tannréttingarsérfræðing sem starfar á Akureyri. Tannheilsa barna og það að henni sé vel sinnt er honum hjartans mál. Gísli leggur áherslu á að skoðunum og forvörnum sé vel sinnt.

„Öll börn tveggja ára og eldri ættu að fara til tannlæknis einu sinni á ári. Það er miklu ódýrara og auðveldara að sinna forvörnum og koma í veg fyrir vandamálin, heldur en að vera sífellt að slökkva elda,“ segir hann í samtali við blaðamann.

Þótt miklar framfarir hafi orðið þegar kemur að greiðsluþátttökukerfi á tannlækningum barna er enn langt í land þegar kemur að sérsviði Gísla Einars; tannréttingum.

„Það horfir vonandi til betri vegar með endurgreiðslu SÍ. Eins og staðan er núna þá er kerfið fullkomlega úrelt og hefur almennur tannréttingastyrkur ekki hækkað síðan 2001! Ekki um eina krónu!“ segir Gísli Einar. „En ég veit til þess að það er mikill vilji hjá hinu opinbera til að fara að leiðrétta þau mál og vonandi að það gerist sem fyrst.“

Það getur vart talist annað en sláandi að tannréttingastyrkur hafi ekki hækkað í yfir tuttugu ár, á meðan annað verðlag í landinu hefur svo sannarlega ekki staðið í stað. Þar með er talið verð fyrir tannréttingameðferð. Þannig hefur verð á meðferðinni sjálfri að vonum hækkað síðustu tuttugu ár, en ekki styrkur til barna sem þurfa á sömu meðferð að halda.

 

- Auglýsing -

Þetta er brot úr grein sem birtist í nýjasta helgarblaði Mannlífs. Greinina má í heild sinni lesa hér, en í henni er farið ofan í saumana á fyrirkomulagi tannlækninga barna á Íslandi, greiðslukerfi tannréttinga skoðað og nánar rætt við Gísla Einar. 

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.

Fullum trúnaði er heitið.

Deila

Nýtt í dag

Mest lesið í vikunni

Raddir

Í fréttum er þetta helst...

- Auglýsing -