Lögreglan varar við ferðum að eldgosinu. Ekki er vitað um fjölda ferðamanna á svæðinu.
Eldgos er hafið á Reykjanesskaga en lögreglan sá ástæðu til að vara við ferðum á svæðið í Facebook-færslu. „Látum nægja að skoða gos á vefmyndavél meðan viðbragðsaðilar eru að ná utan um þetta allt saman. #písát #andarólega.“
„Við höfum því miður engar upplýsingar um fjölda ferðamenn á svæðinu eins og staðan er núna,“ svaraði Karen í fjölmiðlasíma Landsbjargar. Aðspurð hvort hún vissi til þess að einhverjir séu á svæðinu eða hafi verið þar þegar gosið hófst svaraði Karen: „Ég hef bara ekki hugmynd. En mér finnst það mjög líklegt, miðað við ásóknina sem verið hefur dagsdaglega undanfarið. Það er búið að kalla út björgunarsveitir, bara eftir boðunaráætlunum en ég veit ekki hvort þær séu komnar á svæðið eða ekki.“