Miðvikudagur 27. mars, 2024
2.8 C
Reykjavik

Tenerife færð á næsthæsta hættustig fyrir jólin – Önnu Kristjáns brá þegar sá smittölurnar

VefTv

- Auglýsing -

Hlaðvörp

- Auglýsing -

Þegar aðeins vika er til jóla hafa sóttvarnaryfirvöld á kanaríeyjunum Gran Canaria og Tenerife ákveðið að herða sóttvarnaraðgerðir vegna Covid-19. Hættustigið er nú komið upp í næsthæsta þrep.  Yfir hátíðirnar er von á þúsundum Íslendinga til eyjanna til að njóta jólasólar.

Undanfarið hefur verið mikil aukning í smitum á eyjunum tveimur. Svo mjög að yfirvöld ákváðu að færa aðgerðir upp á hættustig 2 fyrir viku síðan.

Sjá einnig:

Sóttvarnaraðgerðir á Tenerife hertar rétt fyrir jólin – Þúsundir Íslendinga á leiðinni

Raunar eru smittölurnar svo háar á eyjunum að sóttvarnaryfirvöld hækka nú varnirnar upp í hættustig 3, af fjórum stigum mögulegum. Anna Kristjánsdóttir býr á Tenerife og varð henni brugðið við að heyra hversu smitin hafa margfaldast á stuttum tíma. Hún viðurkennir jafnframt að hafa ekki sagt alveg rétt frá í viðtölum við íslenska fjölmiðla í fyrradag.

„Ég játa fúslega að ég skrökvaði að alþjóð er ég, fyrst í viðtali við K100 og síðarað fréttamanni Ríkisútvarpsins þess efnis að lítið væri um smit hér í Paradís. Ég hefi mér samt til málsbóta að ég vissi ekki betur á þeirri stundu. Síðar sama dag komu nýjustu tölur um smit hérna og höfðu þau þá margfaldast frá deginum áður og enn jukust þau í gær og voru þá komin upp í 1000. Þar með er smittíðnin farin að nálgast tölurnar á Íslandi,“ segir Anna og bætir við:

- Auglýsing -

Sjá einnig:

Svakalegt sætaframboð til Tenerife: „Mikil uppsöfnuð ferðaþörf hjá fólki“

„Í gær var svo tilkynnt að hert yrði á takmörkunum hér á eyjunni sem og á litlu eyjunni með stóra nafnið hér austur af okkur frá og með miðnætti á föstudagskvöld og erum við nú komin á það sem kallað er Level 3. Það þýðir að nú mega mest sitja sex við sama borð á veitingastöðum, barir skulu loka í síðasta lagi klukkan 02.00 og takmarkaður fjöldi á ströndum og í sundlaugum. Einhverjar fleiri takmarkanir verða í gildi sem ég nenni ekki að telja upp hér.“

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.

Fullum trúnaði er heitið.

Deila

Nýtt í dag

Mest lesið í vikunni

Raddir

Í fréttum er þetta helst...

- Auglýsing -